ఎన్నికల వేళ.. తెలంగాణ కాంగ్రెస్ నేతలపై ఐటీ వేట కొనసాగుతోంది. పాలేరు బరిలో నిలిచిన పొంగులేటి శ్రీనివాస్రెడ్డి నామినేషన్ వేసే రోజే ఐటీ అధికారులు సోదాలు చేపట్టారు. పొంగులేటి ఇళ్లు, ఆఫీసుల్లో సోదాలు చేశారు.
చెన్నూరు కాంగ్రెస్ అభ్యర్థి వివేక్ వెంకటస్వామి ఇంట్లో సోదాలు జరుగుతున్నాయి. హైదరాబాద్ సోమాజీగూడతో పాటు... చెన్నూరులోనూ ఒకే టైమ్ లో ఈడీ, ఐటీ అధికారులు సెర్చ్ ఆపరేషన్ మొదలుపెట్టారు. ఎన్నికల టైమ్ లో కాంగ్రెస్ లీడర్లను కేంద్ర ప్రభుత్వం టార్గెట్ చేసిందని ఆ పార్టీ నేతలు ఆరోపిస్తున్నారు.
చెన్నూరులో ఎన్నికల సందర్భంగా వివేక్ డబ్బులు పంచుతున్నట్లు చెన్నూరు ఎమ్మెల్యే బీఆర్ఎస్ అభ్యర్థి బాల్క సుమన్ ఎన్నికల ఈసీకి రాతపూర్వకంగా ఫిర్యాదు చేశారు. దీంతో ఇవాళ ఉదయం నుంచి ఏకకాలంలో పలు చోట్ల తనిఖీలు నిర్వహించారు ఐటీ అధికారులు.
వివేక్ తన ఆస్తులతో పాటు అప్పుల వివరాలు కూడా అధికారులకు సమర్పించారు. ఇందులో తాను కేసీఆర్కు కోటి రూపాయలు, కోమటిరెడ్డి రాజగోపాల్ రెడ్డికి కోటీ యాభై లక్షలు అప్పు ఇచ్చినట్టు చెప్పారు.
బీఆర్ఎస్, బీజేపీతో కంపేర్ చేస్తే.. కాంగ్రెస్లోకి భారీ వలసలు కనిపిస్తున్నాయ్. దీంతో రెట్టింపు ఉత్సాహంతో కనిపిస్తున్నాయ్ కాంగ్రెస్ (congress) శ్రేణులు. ఇలాంటి పరిణామాల మధ్య.. హస్తం పార్టీకి భారీ ఝలక్ తగిలింది.
