జూన్ చివరి నుంచి జులై నెల మొత్తం టమాటా ధరలు సామాన్యుల్ని వణికించాయి. తెలుగు రాష్ట్రాలు అనే కాదు.. ఇండియా మొత్తం ఇదే పరిస్థితి నెలకొంది. చాలా చోట్ల టమాటాలు కేజీ రూ.150 నుంచి రూ.200 వరకు ధర పలికితే.. ఇంకొన్ని చోట్ల రూ.250 వరకు చేరుకున్నాయి.
టమాట కొనలేక.. కూరలు రుచిలేక.. కొనే ధైర్యం లేక.. మధ్య తరగతి జనాలు పడుతున్న కష్టాలు అన్నీ ఇన్నీ కావు. టమాటా ధరలు మోతెక్కిపోతుంటే.. ఇప్పుడు మరో ప్రమాదం ముంచుకు రాబోతోంది. ఉల్లి ధరలు భారీగా పెరిగే అవకాశాలు కనిపిస్తున్నాయ్.
టమాట.. మాట వినడం లేదు.. ధరలు కొండెక్కి కూర్చున్నాయ్. నిన్న మొన్నటివరకు పది, 20 రూపాయలకు కిలో లభించిన టమాట ధరలు ఇప్పుడు అమాంతం పెరిగిపోయాయ్. కొన్ని చోట్ల అయితే.. కిలో రెండు వందల రూపాయలు పలుకుతోంది.
టమాట మాట వినడం లేదు. టమాట లేని కూరలే కనిపిస్తున్నాయ్ మధ్య తరగతి కుటుంబాల్లో ! ఇప్పటికే సెంచరీ దాటేసిన కిలో టమాట ధర.. సరికొత్త రికార్డుల దిశగా పరుగులు పెడుతోంది. ప్రస్తుతం 120 రూపాయలకు అటు ఇటుగా కిలో టమాటా ధర పలుకుతోంది.
