ఏపీలో అధికారం మారింది. రాజకీయ రచ్చకు తెరలేసింది. మాజీ సీఎం జగన్ చుట్టూ ఒకదాని తర్వాత ఒకటి వివాదాలు తెరమీదకు వస్తున్నాయ్.
రుషికొండలో రాజమహల్...జగన్ ముచ్చటపడి కట్టించుకున్న రాజభవనం...మళ్ళీ అధికారంలోకి వస్తే... ఆ మాయా మహల్ లో నివాసం ఉండాలన్నది ప్లాన్.
రుషికొండ ప్యాలెస్ (Rushikonda Palace)లో మంచాలు, కుర్చీలు, పరుపులు, బల్లలు.. ఇలా ఏవి చూసినా... అబ్బో యమ కాస్ట్ లీ... ఆ డిజైన్లు... ఆ హంగులూ... చూస్తే దిమ్మతిరిగి మైండ్ బ్లాంక్ అవ్వాల్సిందే. అప్పట్లో రాజులు... ఆ తర్వాత సద్దాం హస్సేన్, అమెరికా అధ్యక్ష భవనం లాంటి చోట్ల ఉండే ఖరీదైన వస్తువులు రుషికొండ ప్యాలెస్ లో కనిపిస్తున్నాయి. మొత్తం ఫారెన్ ఇంపోర్టెడ్ సరుకే... ఎక్కడా కూడా ఇండియా మేడ్ వస్తువు లేదంటే... దాని యవ్వారం ఏ రేంజ్ లో ఉందో అర్థమవుతోంది.
విశాఖపట్నంలోని రుషికొండ ప్యాలెస్ పై టీడీపీ ప్రభుత్వం ప్లాన్ బూమరాంగ్ అయింది. గంటా శ్రీనివాసరావు అత్యుత్సాహంతో ప్లాన్ మొత్తం బెడిసికొట్టింది. వైసీపీని ఇబ్బంది పెట్టాలనుకుంటే... అది టీడీపీకే దెబ్బతగిలింది.
