జనసేన అధినేత పవన్ కళ్యాణ్, టీడీపీ అధినేత చంద్రబాబు అమరావతిలో ఆదివారం ఉదయం భోగి వేడుకల్లో పాల్గోన్నారు. ఈ సందర్భంగా పార్టీ అభిమానులు, కార్యకర్తలు వారికి ఘన స్వాగతం పలికారు. టీడీపీ - జనసేన ఆధ్వర్యంలో 'తెలుగు జాతికి స్వర్ణయుగం - సంక్రాంతి సంకల్పం' పేరుతో ఈ కార్యక్రమాన్ని నిర్వహించారు. ఈ కార్యక్రమంలో మాజీ సీఎం చంద్రబాబు తెలుగు సంప్రదాయబద్దంగా అడ్డ పంచె కట్టుకుని సందడి చేశారు. భోగి మంటలు వెలిగించిన అనంతరం.. ఏపీలోని వివిధ సమస్యల చిత్రపటాలు, ప్రజా వ్యతిరేక జీవోల కాపీలను మంటల్లో తగలబెట్టారు.
విశాఖ పట్నం ఏవీఎన్ కళాశాలలో సంక్రాంతి సంబరాలు మిన్నంటాయి. సంక్రాంతి పండుగ విశిష్టత తెలుపుతూ ఏవీఎన్ కళాశాల విద్యార్థులు మంగళవారం సంక్రాంతిని ఉల్లాసంగా జరుపుకున్నారు. పల్లె వాతావరణాన్ని ప్రతిబింబించేలా అలంకరించి సంక్రాంతి పండగ సమయంలో నిర్వహించే పలు కార్యక్రమాలు విద్యార్థులు అధ్యాపకులు ఆనందోత్సహాల మధ్య జరుపుకున్నారు. రంగురంగుల ముగ్గులు, ఆముగ్గులపై గొబ్బెమ్మలు, భోగి మంట.. ఆ మంట చుట్టూ నృత్యాలు చేస్తు ఉల్లాసంగా జరుపుకున్నారు.
