తెలంగాణ రాష్ట్ర అసెంబ్లీ ఎన్నికలు ముగిశాయి. ఓటర్ల తీర్పు బ్యాలెట్ బాక్సుల్లో భద్రంగా ఉంది. మరో కొన్ని గంటల్లో రిజల్ట్స్ రాబోతున్నాయి. హ్యాట్రిక్ కొడతాం.. మళ్లా అధికారంలోకి వస్తాం అన్న ధీమా సీఎం కేసీఆర్, కేటీఆర్ లో స్పష్టంగా కనిపిస్తోంది. ఎగ్జిట్ పోల్స్ అన్నీ కాంగ్రెస్ కే అధికారం అని చెబుతున్నా.. అవన్నీ తప్పని నిరూపిస్తామంటున్నారు బీఆర్ఎస్ వర్కింగ్ ప్రెసిడెంట్ కేటీఆర్. గురువారం పోలింగ్ జరుగుతున్నప్పుడే రాష్ట్రవ్యాప్తంగా అన్ని నియోజకవర్గాల్లో పోల్ మేనేజ్ మెంట్ ను తెలుసుకుంటూ కొన్ని ఈక్వేషన్లు.. మరికొన్ని లెక్కలతో హ్యాట్రిక్ పక్కా అన్న నిర్ణయానికి వచ్చేశారు. అందుకేనేమో.. ఫలితాల తెల్లారి అంటే 4నాడు మధ్యాహ్నం రెండింటికి కేబినెట్ మీట్ పెట్టారు సీఎం కేసీఆర్.
తెలంగాణలో పోలింగ్ ముగిసింది. కౌంటింగ్ కోసం అంతా ఎదురుచూస్తున్నారు. కొన్ని గంటలు.. ఇంకొన్ని గంటలు అంతే.. నెక్ట్స్ అధికారం ఎవరిది అని తెలియడానికి! ఎగ్జిట్ పోల్స్ అన్నీ కాంగ్రెస్ దే అధికారం అంటున్నాయి. కారు పార్టీ నేతలు మాత్రం దీన్ని అంగీకరించడం లేదు. ఐనా సరే కాంగ్రెస్కే పట్టం అనుకుంటున్న సమయంలో.. కేసీఆర్ ఇచ్చిన ట్విస్ట్తో పొలిటికల్ వర్గాలకు దిమ్మతిరిగి మైండ్బ్లాంక్ అయినట్లు కనిపిస్తోంది.
హ్యాట్రిక్ అధికారమే లక్ష్యంగా పావులు కదుపుతున్న బీఆర్ఎస్కు.. బీజేపీ, కాంగ్రెస్ ముచ్చెమటలు పట్టిస్తున్నాయ్. మళ్లీ తమదే అధికారం అని కేసీఆర్, కేటీఆర్, హరీష్ పైకి ధీమాగా చెప్తున్నా.. కారు పార్టీ నేతలను తెలియని టెన్షన్ మాత్రం అలానే వెంటాడుతోంది. దీనికితోడు కారుకు అనుకూల పవనాలు లేవనే సర్వే నివేదికలు మరింత టెన్షన్ పుట్టిస్తున్నాయ్. దీనికితోడు రాజకీయ వ్యూహకర్త ప్రశాంత్ కిషోర్ అందించిన సర్వే రిపోర్టుతో మరింత కంగారు మొదలైనట్లు తెలుస్తోంది.
తెలంగాణ (Telangana) లో వరుసగా రెండు సార్లు అధికారంలో ఉంది బీఆర్ఎస్ ప్రభుత్వం. మళ్లోసారి ఎలాగైనా గెలిచి హ్యాట్రిక్ (Hattrick CM) కొట్టాలన్నది ఆ పార్టీ చీఫ్ కేసీఆర్ ( KCR) ప్లాన్. అందుకే ఎన్నికల ప్రచార సభల్లో ఈమధ్య కొత్తగా ఓ స్ట్రాటజీతో ముందుకెళ్తున్నారు.
