సీట్లు పెరిగాయ్ అంతే.. ఓట్లు కాదు అని కర్ణాటకలో కాంగ్రెస్ విజయంపై బీజేపీ విమర్శలు చేస్తున్నా.. లోలోపల మాత్రం టెన్షన్ మొదలైంది. తెలంగాణలో అయితే మరింత గుబులు కనిపిస్తోంది కమలం పార్టీలో ! ఇలాంటి పరిస్థితుల మధ్య సరికొత్త వ్యూహానికి బీజేపీ నేతలు తెరతీశారు. దీనికి కరీంనగర్లో హిందూ ఏక్తా యాత్రే ఎగ్జాంపుల్ అనే చర్చ జరుగుతోంది. ఎంఐఎంతో బీఆర్ఎస్ కలిసిపోయి.. తెలంగాణలో హిందువులకు అన్యాయం చేస్తుందని చెప్పడమే ఈ యాత్ర లక్ష్యం అని బీజేపీ నేతలు అంటున్నారు.
కర్ణాటక రిజల్ట్ సౌండ్.. దేశవ్యాప్తంగా రీసౌండ్ ఇస్తోంది. బీజేపీ, బీజేపీయేతర పార్టీలన్నీ ఇప్పుడు ఆలోచనలో పడిపోయాయ్. ఆలోచనలు మార్చుకుంటున్నాయ్. కొత్త నిర్ణయాల వైపుగా అడుగులు వేస్తున్నాయ్. మిగతా పార్టీలు, మిగతా రాష్ట్రాలపై కర్ణాటక ఫలితం ఎలాంటి ప్రభావం చూపిస్తుందన్న సంగతి పక్కనపెడితే.. తెలంగాణలో మాత్రం కన్నడ ఓటర్లు తీర్పు గురించి జోరు చర్చ జరుగుతోంది.
