ఉదయం నుంచే రాజ్ భవన్ ను ముట్టడించేందుకు ప్రయత్నం చేసిన ఆర్టీసీ కార్మికులు. ఆర్టీసీని ప్రభుత్వంలో విలీనం చేయాలన్న రాష్ట్రప్రభుత్వ ప్రతిపాదిత బిల్లుపై ఆమోదం తెలపాలని డిమాండ్. తెలంగాణ వ్యాప్తంగా నిరసన సెగ. పెద్ద ఎత్తున తరలి వచ్చిన కార్మికులు.
టీఎస్ఆర్టీసీ ఉద్యోగులను ప్రభుత్వంలో విలీనం చేసే ప్రక్రియకు సంబంధించిన బిల్లుపై గవర్నర్ తమిళిసై సౌందర రాజన్ కొన్ని సందేహాలను వ్యక్తం చేశారు. ఈ మేరకు వాటిని నివృత్తి చేయాలని గవర్నర్ తమిళిసై.. ప్రభుత్వ ప్రధాన కార్యదర్శి శాంతికుమారికి లేఖ రాశారు. ఆర్టీసీ బిల్లులోని ఐదు అంశాలపై గవర్నర్ వివరణ కోరారు. ఆర్టీసీలో కేంద్ర గ్రాంట్లు, వాటాలు, రుణాల వివరాలు లేవని పేర్కొన్నారు.
తెలంగాణ హైకోర్టు నూతన జడ్జి రాజ్ భవన్ లో ప్రమాణ స్వీకారం చేశారు. ఉదయం 11 గంటలకు ఈ కార్యక్రమాన్ని గవర్నర్ తమిళసై ఆధ్వర్యంలో నిర్వహించారు. తెలంగాణ ముఖ్య మంత్రి కేసీఆర్ హాజరయ్యారు.
గవర్నర్, కేసీఆర్ మధ్య విబేధాలు మరోసారి బయటపడ్డాయి. తాజాగా నూతన సెక్రటేరియట్ ప్రారంభోత్సవానికి గవర్నర్కు తెలంగాణ ప్రభుత్వం ఆహ్వానం పంపలేదు. గత నెలలో అంబేద్కర్ విగ్రహావిష్కరణకు కూడా ఆమెకు ఆహ్వానం అందలేదు.
