విద్వేషపు కోటలో ప్రేమ దుకాణం తెరుస్తున్నామంటూ సామాన్యుడిలో ఒకడిగా మారిపోయిన రాహుల్ గాంధీ.. మరోసారి భారత్ జోడో యాత్రకు రెడీ అవుతున్నారు. త్వరలో జరగనున్న అసెంబ్లీ ఎన్నికలతో పాటు పార్లమెంట్ ఎన్నికలను దృష్టిలో పెట్టుకుని రాహుల్ తో మరోసారి జోడోయాత్రకు ప్రణాళికలు సిద్ధం చేస్తోంది కాంగ్రెస్ పార్టీ.
రాజకీయ నాయకుడు కావడం ఈజీనేమో.. కానీ నాయకుడు అవడం మాత్రం కష్టం ! డబ్బులు విసిరేసో.. తాతలు, తండ్రి పేరు చెప్పుకునో లీడర్ అవుదామంటే కుదరదిక్కడ ! జనంలో ఉండాలి.. జనంతో ఉండాలి.. జనంలా ఉండాలి.. కష్టం తెలుసుకోవాలని.. ఓదార్పు ఇవ్వాలి.. భరోసా నింపాలి. అప్పుడే జనం మనసు గెలిచేది.. నిజమైన నాయకుడు అయ్యేది !
సొమ్మొకడిది సోకొకడిది అన్నట్లుంటుంది జాతీయ పార్టీల తీరు. రాష్ట్ర నేతలు రాత్రీపగలు తేడా లేకుండా పనిచేస్తే నిర్ణయం తీసుకునే అధికారం మాత్రం హైకమాండ్దే. అది కాంగ్రెస్ అయినా బీజేపీ అయినా రెండు పార్టీలది అదే తీరు.
